Wolder

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Wolders, es te dit dialek sjpriks.

---

Ligking vaan Wolder

Hoof in Wolder

Wolder waor tot 1920 e dörp in de gemeinte Aajd-Vroenhove. In dat jaor is die gemeinte geannexeerd door Mestreech. Tegewoordeg is Wolder 'n wiek vaan Mestreech.

Awwer naome zien Wilre (1316), Wylré (1330), Wilré of Wolder (1840). De naom geit trök nao 't Romeinse villare of hoof. In 2006 woende dao 1700 lui.

Wolder ligk in 't zuidweste vaan Mestreech, langs de verbindingsweeg vaan Mestreech nao Tóngere, de Tongerseweeg, zjus tege de grens vaan Belsj. Aon ein zij steit 'n Mariakapelke. Es te de grenseuvergaank veur de brögk euver 't Albertkanaal passeers, bis te in Vroenhove. De vreugere verbindingsweeg, de Romeinse baon, ligk noordelek vaan Wolder, door de wiek Daalhof. Dizze weeg kump zjus oet op d'n huidege grenseuvergaank.

In Wolder ligk 'n neogotische kèrk.

Wie alle aw plaotse in de gemeinte Mestreech heet ouch Wolder vaanajds e vaan 't Mestrechs versjèllend dialek. Vaan 't Wolders besteit e leesplenkske, gemaak door Wiel Eurlings en oetgegeve door de plaotseleke heimkundevereineging.