Kaardebol (kleine)

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

De kleine kaardebol of wil kem (Dipsacus pilosus) ies 'n plant oet de kamperfoeliefamilie. Dao zint waal 15 soorte kaardebolle. De naam kaarde geit truuk nao 't Latiense cardu, wat distel beteikent. Dipsa kump oet 't Grieks en beteikent doorsj. Pilosus beteikent "ploezig".

'n Kènmerk van de plant ies de rónne de sjtekelige zaodbol, dae kleiner van vörm ies es dae van de Krets of groate kaardebol. Mèt de rón zaodbölkes woort vreuger wöl gekemp of gevold. De naam vollersjkroed woort toen ouch gebruuk. Deze kaardebol kump in 't wild allein, en zeldzaam, veur in Zuud-Limburg.