Wöl

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Wöl in versjillige kluuere.

Wöl besteitj oet zaachte, dón haor vanne vach van sómmige dere. Luuj gebroeke wöl (meistes van sjäöp) veur kleier, daekes en dergelike. De meiste wöl wuuertj vervaerdig in Australië, Sjina en Nuuj-Zieëlandj.

Wöl óngersjèdj zich van haor ómdet 't sjöbbe haet, wodoor zäöj en tekskes d'rin blieve hange. Hiedoor wuuertj de hoed van 't sjaop besjurmp taenge besjajiginge. E sjaop kan den ouch zónger sjaaj door däörnetige begreujing loupe, in taengestèlling toet dere wie de koe. Wiejer is wöl gekroes. 't Haet toet 20 bóchte de 2,5 centimaeter. Hiedoor wuuertj de lóch good vasgehaje, wodoor wöl 'ne goje wurmdje-isolater is. Dees isolerendje boetelaog veurkump det e sjaop zien liefwurmdje verluus. Bei eigesjappe, de sjöbben enne kroes, make det wöl ouch mekkelik kan waere gespónne. De vaezele häöke namelik mekkelik inein en blieve daonao aanein vaszitte.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Wöl&oldid=364224"