Wikipedia:Wat is Wikipedia neet

Van Wikipedia

Wikipedia is 'n encyclopedie, en de pazjena's va Wikipedia zunt encyclopedieartikele. En dus neet:

  • 'n discussieforum of plaatsj om te awhore. Oetzondering: de kaffee .

Dien mètwèrking hie hèlt in allein encyclopedie-artikele make en neet discussiëre en wauwele. Dao höbbe v'r de Wikipedia:De kaffee veur.

  • Woordebookdefenities van gewoen Limburgse weurd die neet 'n óngerwerp aanduide woereuver e redelik encyclopedie-lemma zou kinne of motte weure gemak.

Wikipedia is neet bedoeld as dictionair. Daoveur is 't zusterprojek Wiktionary opgezat (zuug ouch http://nl.wiktionary.org). Waal is 't meugelik, zelfs wunsjelik, dat 'n artikel begint met 'n defenitie of korte besjrieving van 't ongerwerp.

  • 'n Lies van dat vergeliekbaar definities. Waal kènt 'n artikel besjtoon oet allein mer verwiezinge en links nao ander pagina's mèt eventueel definities. De zgn vp's. (Verdudelikingspagina's)
  • Weitesjappelike verhandelinge. Väöl artikele kènne inhoudelik waal in de buurt kómme van weitesjappelike verhandelinge, meh de inhoud ies euver 't algemein globaler en 't sjtreve is um 't zoeväöl meugelik begriepelik te make veur de leek. Artikele, die allein door vakgenote of specialiste te begriepe zint, hure in 'n vakblaad thoes en neet in 'n encyclopedie..
  • 'n Besjrieving van wie e woord mót weure gebroek. Dit kint ongerdeil zien van 'n pagina, mer allein is dat neet genog veur 'n artikel.
  • 'n Kookbook. Recepte van gerechte sjtoon in 'n ander wiki-projek: Wikibooks:Kookboek.
  • Propaganda. 'n Artikel kènt waal melding make van wat de diverse opiniegroepe zègke (bie controversieel óngerwerpe kèn dat zelfs noedzakelik zin), meh 't is neet in balans es doe mer ein van de groepe aanhaols. Blief estebleef sjtreve nao zoe groet meugelike objectiviteit en neutraliteit objectiviteit. Es doe luuj wils euvertuge van dien meining en ideeë kèns doe beter nao Usenet goon.
  • Opsjtèlle die dien eige ideeë euver 'n óngerwerp oetdrökke. Wikipedia is d'r um de canon van de minselike kènnis weer te geve; dao kèn toevallig dien idee tösje zitte, meh encyclopedische artikele zint neet de plaats om persoonlike euvertuginge te verkóndige.
  • Lieste van citate. Die kènne waal 'n ónderdeil zin van sómmige artikele, meh dan es toevoging, neet um 't artikel te vervange.
  • Verzamelinge van extern links. Allein es óngerdeil van 'n pagina, neet es artikel zelf. Ouch moet de verhouding good zin, neet 'n lies van tièn links in 'n artikel van drie reigele.
  • Vraoge um informatie. De vraogteikes in 'n artikel zint neet bedoeld om nao informatie te vraoge, meh um zelf 'n artikel euver 't betreffende óngerwerp te sjrieve.
  • Onderzeuksforum. Wikipedia is neet de plek óm researchóngerwerpen te plaatse.
  • 'n Platform óm dichzelf te presentere. Wikipedia is 'n encyclopedie woe-in ouch biografieë thoeshure. Meh, dat moete waal biografieë zin van luuj, die vrie bekènd zin. 't Is neet de bedoeling um te suggerere dats doe zelf bekènd bis door hie 'n artikel euver dichzelf te plaatse. Voesreigel: sjrief dus gein artikel euver dichzelf. De plek woe se waal autobiografische gegeves kèns plaatse is dien gebroekerspagina.
  • Reclaam. 'n Artikel van Wikipedia maog gein aanpriezing zin veur 'n produk of 'ne deens. Ouch extern links nao websites die allein get verkoupe zint neet toegestjange.

Nettiquette[brón bewèrke]

Nettiquette ies 'n samevoging van de weurd netwerk en etiquette. De nettiquette hèlt in: de ongesjreve riechliene en gedragsreigelsj veur 't gebruuk van internet.

Dees reigelsj zint informeel in te deile in twiè categorieë:

  • technologisch bepaalde reigelsj
  • cultureel bepaalde reigelsj


Oetgebreidere informatie vings doe op[brón bewèrke]