Encyclopedie

Van Wikipedia

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Väörpagina van d'r Encyclopédie va d'Alembert en Diderot

'ne Encyclopedie (Grieks: "ἐγκύκλιος παιδεία" (oetsjpraak "enkyklios paideia"), lèttelek, 'n goodgerönde educatie, wat algemèng kènnis betekent) is 'n gesjraeve verzameling va kènnis. Encyclopedieje zeunt algemèng, mèt artikele över allerlei oonderwerpe. Is 't naosjlaagwaerk gespecialisierd in èè vakgebied da kalt me van 'ne lexicon. In d'r volksmoond wert evvel ooch gesjpraoëke van 'ne medische encyclopedie of 'ne taalkundige encyclopedie.

D'r Limburgse Wikipedia is waarsjienglek d'r örsjte encyclopedie in 't Limburgs.

Historie[bewirk | brón bewèrke]

In d'r örsjte ieëw n. Chr. sjreef Plinius d'r Owwere mèt ziene Naturalis Historia d'r örsjte encyclopedie. De behaowe dele waoërte in 2004 in 't Nederlands vertaald es De Wereld.

Encyclopédie[bewirk | brón bewèrke]

't Örsjste deel van d'r Encyclopédie va Denis Diderot en d'Alembert versjaen in 1751 en 't doorde bies 1765 ieër 't 39 delig waerk compleet waor. Mieë wie 200 gelieërde wérkde d'r aan mèt. Dit belangrieke instrumaent wérkde mèt an de versjpreiding van de ideeje van de Verlichting. 't Waerk waoërt dan ooch gow op d'r index gezat mae b.v. F.K. de Velbrück, preensbisjop va Luuk, sjteurde zich dao gaar neet aa en sjoonk de driejde oetgaaf (Genève, 1777-1779) in 39 dele mèt 'n supplemaent va driej dele illustraties an de Societé Emulation. D'r preens èèges how 'n volledige oetgaaf in z'n priveebibliotheek sjtoeë.

Verwaant begrip[bewirk | brón bewèrke]

Encycliek

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Encyclopedie&oldid=423075"