Watervalderbaek

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


De Watervalderbaek

De Watervalderbaek ies 'n baek, die zien brón haet in de bösj op de Wiengaardsberg bie 't gehuch Waterval bie Ulesjtraote. De baek sjtruimp aan de voot van deze berg, door glooiende velder en weie riechting Humkove. Veurdat ze vervolges in 't centrum van Meersje kump, ies ze samegevloeid mèt de Vlièkerbaek, die ouch häör brón haet in daezelfde bösj, meh miè gelege achter 't good Vliek.

Vanaaf de Pletsjmeule, 'n veurmalige watermeule in Meersje, sjtruimp 't water via de Gashoessjtraot (ouch waal "Langs de baek" geneump) nao de Sjtationssjtraot. Jaorelank leep 't water hie óndergrónds. Saer 2003 ies de Watervalderbaek wir te zeen in de sjtraote van Meersje. Me haet de baek wir opegelag. Bie de Meuleveldwaeg móndt de Watervalderbaek in de Geul oet.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Watervalderbaek&oldid=210993"