Vouziers

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Vouziers op de kaart van Frankriek
Vouziers
Vouziers
Vouziers op de kaart van Frankriek
De kèrk Saint-Maurille in Vouziers

Vouziers ies 'n sjtad en gemeinte in 't departement Ardennes in 't noorde van Frankriek. De gemeinte haet 4456 inweunersj (2013). De sjtad liek aan de Aisne.

Vouziers ies 'n ónderprefectuur van 't departement. Wiejer ies 't de hoofplaats van 't arrondissemint van Vouziers en van de Communauté de Communes de l'Argonne Ardennaise, 'n samewèrkingsverband van 100 gemeintes in de Ardense Argonne.

De naam Vouziers woort veur 't ièrsj geneump in 1140. In de miedelièwe waor de sjtad 'n belangriek landboewcentrum. In 1516 kreeg de sjtad van Frans I opnuujts mert- en jaorbeursjrechte, woadoor ze tot bleuj koes kómme. De kèrk Saint-Maurille haet 'n renaissanceportaol oet ca. 1540.

In Vouziers woorte de fietserenner Jean Robic en de filosoof Hippolyte Taine gebore. Op 't kèrkh'f van Vouziers liek Roland Garros begrave, dae vlak bie Vouziers sjtorf wie zien vleegmesjien woort neergesjote.

Veur e gans euverziech van de 463 gemeintes in de Franse Ardenne, zuug de lies van gemeintes in Ardennes.

Externe link[bewirk | brón bewèrke]

Commons
Commons
Op de pazjena Category:Vouziers van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vouziers&oldid=448809"