Volsbroch

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Völzer, es te dit dialek sjpriks.

---

Volsbroch (Nederlands: Vaalsbroek) ies 'n buurtsjap van Vaols in 't utersjte zuudoaste van Nederlands Limburg. De naam beteikent moerassig terrein (= broch) bie Vaols. 't Gehuch huèrt bie de parochie St. Paulus Vaols same mèt de buurtjap D'r Roare, die vlakbie liek.

Kesjtieël Volsbroch - Kesjtièl Vaalsbroek

In vreuger tieje waor 't carrévörmig kesjtièl Vaalsbroek 'n hièrlikheid. De Hièr waor ouch de baas euver de Malensbösj. Bie 't good huèrt 'n watermeule en 'n panhoes. 't Gehièl, same mèt 'n vakwerksjuur, 'n park, sjtankètsele en tuinornamente ies 'n rieksmonument saer 2002.