Voer

Van Wikipedia
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Voeres, es te dit dialek sjpriks.

De Voer in Voere

De Voer (ouch Voor) ies e bèakske, dat mièrder bronne haet. Ein in de buurtsjap Zjwaan en 'n ander bie De Commanderiej aan 't begin van de forellekwekeriej bie de plaats S'n Pieëter in Belsj Limburg. Zoa is Voere en later de gemeinte Voere en nog later de Voersjtreek aan hun name gekómme. Ze löp langs 't kesjtièl van S'n-Pieëter en vervolges nao S'n Maeëte. Hie mondt 't beekske de Väöësj d'r in oet. De Voor sjtruimp dan wiejer langs kesjtièl Ottegrove (in 't Voeres: Oettegrove) (in 't Oos-Voeres: Ottegrove) riechting Sjoppem, woa 'n wad in de beek liek. In buurtsjap 't Vitsje, vlak veur 't dörp Voere, mondt de Noor in de Voor. In dit typische lintdörp löp ze langs 't Meuleke en de meule van l'Homme en wiejer hièl markant aan ein zie van de hoofsjtraot. De ingeng van de hoezer liegke hie achter brökskes euver dees rivier.
'n Paar kilomater wiejer passeert de Voer de Nederlandse grens en bereik effe later 't plaetske Misj in Nederlands Limburg. Hie haet ze jaorelank de Misjer watermeule laote drièje. De meule liek d'r nog, meh ies neet miè in wèrking. Dan geit 't langs 't Withoes riechting de Mögkemeule. Tot sjlot sjtruimp ze via de beemde van Laeg Caestert de Maas in.

bronvermelding[bewirk | brón bewèrke]

  • Meerman M. 1990. Watermolens in Eijsden - Momentopnamen uit hun geschiedenis. Eijsden Stichting Eijsdens Verleden
  • Nijssen Jaak + Vandenabeele, Elza . Molens op de Voer in: Voersprokkels, contactblad van de provinciale school in de Voerstreek jg. 006/2 1975 p.L 27-33
  • Nyssen J., 1963. Molens op de Voer - te St-Marten waren er vier ... in:Band - Heem, tweemaandelijks tijdschrift voor Overmaas - Overmaas Jaarboek Halle (Brabant) Langohr-Veltmans-Vreuschemen Komitee jg. 07/4- l
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Voer&oldid=461391"