Vlag van Nederlands Limburg

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Flag of Limburg (Netherlands).svg
Oetgesjtoke Limburgse vlag

De vlag van Nederlands Limburg haet twiè gelieke horizontaal bane van wiet (bove) en geel (ónder). Die bane were gesjeije door 'n sjmaler blauw baan. Euver dees drie bane sjteit aan de hijskant 'n gekroande roaje lièw mèt 'ne dubbele sjtaart. De vlag ies door Provinciaal Sjtate vasgesjtèld op 28 juni 1953.

De vlaggekleure kómme oet 't provinciewape, dat op 27 december 1886 bie Keuninklik besjloet door keuning Willem III van de Nederleng aan Limburg woort toegekènd. De lièw symboliseert Limburg en verwies ouch nao 't oud hertogdóm Limburg. Ooch verwiest de vlag nao 't hertogdóm Limburg (1839-1866), woavan 't gróndgebeed trouwes bienao euvereinkump mèt de provincies Limburg wie me ze allewiel kènt. De kroan en de dubbele sjtaart make häöm de Limburgse lièw. De blauw baan sjteit veur de Maas, die van zuid nao noord door de provincie sjtruimp.