Vesta (planetoïde)

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.



'ne Foto vaan Vesta, genome op 17 juli 2011, door ruimtesonde Dawn.

Vesta (symbool: ⚶), officieel 4 Vesta geheite, is 'n asteroïde, ouch wel planetoïde geneump in eus zonnestèlsel. 't Is de op 2 nao groetste planetoïde, nao Ceres en Pallas in de planetoïdegordel tösse Mars en Jupiter. Qua massa is 't evels de 2e in rij, nao 1 Ceres. De doorsnei is gemiddeld 529 km.

Vesta is oontdèk op 29 miert 1807 door d'n Duitse astronoom Heinrich Wilhelm Olbers, en ze is door de wiskundige Carl Friedrich Gauss verneump nao Vesta, de Romeinse godin vaan hoes en eeard.

Door häör hoeg albedo ('t weerkaatsingsvermoge), is ze de einege planetoïde die, oonder gunsteg umstandeghede, mèt 't bloete oug ziechbaar is. Vesta weurt gezeen es de lèste vaan de rotsechtege protoplanete die mieljarde jaore geleie aonein zien gekloonterd tot de veer binneplanete.

Um mie te weite te koume euver Vesta is de Dawn ruimtesonde de nao touw gesjik. Dawn kaom in 'n baon um Vesta op 16 juni 2011 en bleef dao tot 5 september 2011, wie 'r oontsnapde aon Vesta um nao Ceres te weure gesjik. Dawn heet in dat dik jaor gröppe, kraters, bassins en bergskes in kaart gebrach, en de samestèlling vaan 't hiemelliechaam oonderzoch.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vesta_(planetoïde)&oldid=463786"