Veldeke-Verhaole-Konkoer
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
't Verhaole-Konkoer van Veldeke-Limburg is 'ne sjriefwedsjtried veur Limburgstalige dichtersj en sjrieversj georganiseerd door de vereiniging Veldeke-Limburg. In 2015 is dat veur 't ièrsj gebeurd es opvolging van de Veldeke-literatuurpries, dae besjtange haet van 1996 tot en mèt 2013. De vief winnende sjrieversj/dichtersj van dat konkoer waore:
- Els Diederen oet Valkeberg mèt 't verhaol 'Druimtuin'
- John Hertogh oet Zitterd mèt 'Alles is muigelik'
- Wim Kuipers oet Neel mèt 'Film 't waeges'
- Koos Neijnens oet Wieërt mèt 'Vör 't geval det'
- Marleen Schmitz oet Oeësjbik mèt 'Anne F.'
- Har Sniekers oet Toear mèt 'Absoute'
't Resulteerde in de oetgaaf van 'n 'Veldeke-Verhaole-cahier' mèt 't oetgekoze werk van hun d'rin. De sjrieversj/dichtersj krege 'ne workshop aangebao, dae gegaeve woort door de auteur Benny Lindelauf. Hun verhaole woorte gepubliceerd in 't Veldeke Verhaolekatern, oetgaaf 2016. Veldekelede krege dit beukske same mèt 't Veldeke-jaorbook 2016.