Valletta
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
.jpg)
Valletta (Maltees: Il-Belt Valletta) is de hoofstad vaan de Rippebliek Malta en de zedel vaan de Maltese regering en 't Maltees Parlemint. Ze ligk neet allein in de Rippebliek Malta mer ouch op 't eilaand Malta. Ze is de kleinste hoofstad vaan de Europese Unie qua inwoenersaontal. Valletta ligk op e sjiereilendsje, umrink door twie groete natuurleke haves. Ze is 'n veuraof geplande stad, mèt de ierste stein opgezat op 28 miert 1566 oonder Paus Pius IV um 'n nui fortificatie te bouwe contra 'n touwkomstege nui invasie vaan 't Osmaons Riek. 't Gepland karakter is trök te zien in 't sjaakbordpatroen boe-in de straote zijn aongelag.
Valletta tèlde in 2019 zelf meh 5.157 mer heet wel 'n bevolkingsdiechheid vaan 8.500 lui de kilometer (Valletta is dus kleiner es 'ne veerkante kilometer). Wijer is 't belaangriek um Valletta te zien es deil vaan 'n hendeg diechbevolkte stedeleke agglomeratie boe-ouch gemeintes wie Sliema, Gżira, Paolo en Marsa deil vaan oetmake. Dees agglomeratie, die in de meiste len es ein stad gezeen zawwe weure, had in 2019 480.134 inwoeners. De ganse Maltese rippebliek heet oongeveer dezelfde bevolkingsdiechheid vaan Heerle en is kleiner es Zuid-Limbörg.