Vörmsel

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


't Vörmsel ies 'n sacrament in de Katholieke kèrk woabie de krach van de Heilige Geis euver de geduipde weurt aafgerope um te helpe bie 't sjtandvastig belieje en beleve van 't christelik gelouf.
De peetnónk (peter of duipvader) en paat (peettante of duipmoder) zint zoawaal bie de duip es bie 't Vörmsel, es getuge, aanwezig. 't Gebruuk dateert vanaaf de 4e ièw.

Meistal weurt 't vörmsel toegedeend door de biesjop, meh hae kèn ouch 'ne vervenger aanwieze, 'ne vicaris of andere preester. Sóms weurt 't Vörmsel gecombineerd mèt de Plechtige communie of de Vernujing van de duipbeloftes.

De apostele zouwe door handoplègking, dees gave van de Heilige Geis allein aan geduipde persone toedene (volges Handelingen 8:14-17).

Ritueel[bewirk | brón bewèrke]

De elemente van dit ritueel zoawie ze bie de Romeinse vernujing in 1971 zint vasgesjtèld besjtoon oet de beliejenis van 't gelouf, 't gebed mèt 't oetsjtrekke van de heng door de toedener en de zalving mèt 't chrisma door 't oplègke van de hand.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vörmsel&oldid=426598"