Trentino-Zuud-Tirol

Van Wikipedia

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.


Regio van Italië
Trentino-Zuud-Tirol
Trentino-Alto Adige
Trentino-Südtirol
Trentin-Südtirol
Vaan va Trentino-Zuud-Tirol Wape va Trentino-Zuud-Tirol

Locatie va Trentino-Zuud-Tirol

Hoofplaats Trente
Opperflaakde 13.606 km²
Inwoeners
Deechde
1.059.114 (31-12-2015)
77/km²
Provincies Trente, Zuud-Tirol
Aontal gemeintes 116
ISO 3166-2 IT-32

Trentino-Zuud-Tirol (Italiaans: Trentino-Alto Adige; Dütsj: Trentino-Südtirol; Ladinisch: Trentin-Südtirol) is de noordeligste regio van Italië. De hoofsjtad is Trente. De regio ligk vuur e groeët deel i de zudelige oetleupesj va de Alpe en is historisch en kultoereel verbónge mit de noordelig geleëge Oeësteriekse regio Tirol. Doaneëve grens zie óch aa g'ne deelsjtaat Salzburg. In 't weste grens de regio óch aa ge Zjwitserse kanton Graubünden. Zudelig grens zie aan de Italiaanse regio's Lombardieje en Venetië.

Trentino-Zuud-Tirol is verdild i twieë provincies: Trente en Zuud-Tirol. I Trente kalt bekans jiekerieë Italiaans en in Zuud-Tirol bekans jieëkeree Dütsj en lokale Beiesje dialekte. I Trente guëf 't evvel óch zier klinge Dütsjsjproakige minderhede, zoeëwie de Zimbern. Hun sjproak is e Beiesj dialek en weëd óp inkel bergdörper gekald. Doaneëve weëd óch 't Romaanse Ladinisch in de bergdörper va Trente gekald. Dees sjproak liek get óp 't Reto-Roemaans in Graubünden. In alle groeëte sjteë kint me terech mit 't Italiaans en angesjum beheësje vöal lüj 't Dütsj, óch vaweëge 't toerisme. D'r Brennerpas óp g'n grens mit Oeësteriek verbingk Noordwes-Europa mit de toeristische regio's in Italië, zoeëwie 't Gardameer en de sjtad Venetië. I g'n regio zelf guëf 't vöal bergbeklimmesjtoerisme i d'r zoeëmer en winktersjport.

De Adige (Dütsj: Etsch) is de wichtigste revier en sjtruimt va noord noa zuud. I höar daal ligke de wichtigste plaatsje va de regio. Bolzano (Bozen) hat knap 100.000 iwuënesj en is wiedoet de groeëtste sjtad va Trentino-Zuud-Tirol. Anger wichtige sjteë zint Merano (Meran), Laives (Leifers), Lavis, Rovereto (Rofreit), Mori (Moor in Tirol) en Ala (Ahl am Etschtal).

Externe links[bewirk | brón bewèrke]

 
Regio's in Italië
Vaan van Italië

Abruzze · Apulië · Basilicata · Calabrië · Campanië · Emilia-Romagna · Friuli-Venezia Giulia · Lazio · Ligurië · Lombardije · Marche · Molise · Piëmont · Sardinië · Sicilië · Toscane · Trentino-Zuid-Tirol · Umbrië · Valle d'Aosta · Veneto

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Trentino-Zuud-Tirol&oldid=413617"