Tróm

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'n Ajerwètse slaagtróm.

'n Tróm is e meziekinstremènt det behuuert toet de membranofone. De meiste tróms zeen slaagwerk wovan 't geluid wuuert gemaak door e gespanne vel of membraan wo m'n op huitj. Tróms vindj m'n in alderhenj aan vörm: plat, haafdeep en deep. Sómmige tróms druueg m'n ane boek of oppe rögk (wie de diekke tróm), en me kan ouch dèksele d'raan hange. Wen me trómme biejein zètj vörmp m'n e drumstèl. Tróms kan me bespele mit stekker, knoetsje, kwesjkes, mer ouch mitte henj, döks aafhenkelik vanne saort.

De tróm kan me vinjen in fómfaars, orkesten en combo's, mer ouch vörme ze döks de basis inne popmeziek en anger modern genres. 'n Groep die besteit oet bao allein tróms hètj 'nen drumband. E trómmelkorps neump me owwel e tamboerkorps.

Boete meziek waere tróms ouch gebroek bie rituelen en ceremonie's binne bepaoldje geluive.

Tróms kan m'n indeilen in bepaoldje saorte:

  • Dóbbelvellige tróms, wie de diekke tróm, de doeffe tróm, de sjel tróm (snaortróm), dees höbbe zowaal e slaagvel es e resonantievel;
  • Kaeteltróms, wie de pauke, dees lieken oppe dóbbelvellige tróms, mer höbbe gei resonantievel, enne kaetel is deper;
  • Liestróms, wie de tamboerien, dees höbben ei slaagvel, meh gei resonantievel, ennen diamaeter van 't vel is grótter es de deepdje vanne kaetel;
  • Percussie- of vaastróms, wie de bongo, de conga enne djembé, dees waere mitte handj bespeeldj en höbbe gei resonantievel;
  • Wrieftróms, wie de foekepot.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Tróm&oldid=435701"