Trèkker

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'ne Modernen trèkker mit achterop 'n ploog.

'nen Trèkker of trakter is e veurtuug det speciaal is óntwikkeling veur te broeken inne landjboew. 't Waord "trakter" (van 't Letien: trahere) is 'n algemein ómsjrieving veur e veurtuug det get kan trèkke, dujen of sleipe det gein eige aandrieving haet.

De groeate en brei achterrajer make d'n trèkker gesjik veur euver 't veldj te vare. Achteren trèkker kónnen alderhenj landjboewwirktuug waere gekoppeldj womit geploog, gezejdj, bemès en geuigs kan waere. Al dees wirktuug kónne middels 'n speciaal koppeling anen achterkantj vannen trèkker dore moter vannen trèkker waeren aangedreve.

Modern trèkkere zeen veurzeen van 'n veiligheidskoeaj die d'n inzittendje besjurmp wen d'n trèkker kantjeltj. Zónger dees beveiliging kan emes óngeren trèkker bekneldj raken en door 't gewich hieël zwaor sjaaj oploupe.

d'n Trèkker haet in geïndustrialiseerdje lenj de trèkbieëster, wie osse, paerd en aezele, bao gans vervangen in 't boerebedrief.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Trèkker&oldid=359504"