Toepolev Tu-134

Van Wikipedia

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.


Tu-134

De Tupolev Tu-134 (NAVO codenaam: Crusty) is ein tweemotorig vleegtuug det oet dezelfdje tied es de BAC-1-11, de Fokker F28 Fellowship en de DC-9 kumptj. Net es biej de DC-9, vleege d'r ouch van de Tu-134 nog hongerde vleegtuuge rondj. De Tu-134 is ein vleegtuug veur korte en middellange aafsjtandj en waas bedoeldj om de Tu-104 en de Tu-124 te vervange. Väöl ongerdeile van'ne "Crusty" waare aafkomstig oet de anger twee typen wodoor ongerhaad mekkelikker waerdje gemaaktj.

De gesjiedenis[bewirk | brón bewèrke]

De eerste Tu-134 waas in 1962 klaor maar de serieboew begos pas veer jaor later. Nog ein jaor later waerdje 't eerste serietoesjtel aan 't Russische Aeroflot aafgeleverdj. Tupolev boewdje versjillendje versies mit ein versjil in capaciteit en vleegbereik. Zo booj het basismodel plaats aan ongeveer 70 passageers. Later versies haaje eine verlingdje romp en booje aan ruum 80 passageers plaats. De Crusty is, net es väöl anger Russische vleegtuuge, ein vleegtuug det kan operere van sjlechte en onverharde bane. Dit is te zeen aan 't lanjingsgesjtel det oet teen wiele besjtuitj (twee hoofdgesjtelle mit eeder veer wiele, en twee naaswiele). Doordet 't vleegtuug väöl wiele haetj, kan d'r op väöl plaatse waere gelandj, get waat neet 't geval is biej de Westerse vleegtuuge.


Technische gegaeves Tu-134[bewirk | brón bewèrke]

Lengte: 35 m.

Breidte: 28,99 m.

Heugte: 9,01 m.

Kruutssjnelheid: 900 km/u

Vleegbereik: 3070 km.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Toepolev_Tu-134&oldid=418451"