Tieë

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


'n Tieëplantaasj in Sjina.

Tieë is e drinkes det wuuertj verkrege door blaedjes vanne tieëplantj (camellia sintensis) in water te kaoke. 't Woort e paar doezjendj jaor trögk óntdèk in Sjina en woort via de Ingelse kolonieje nao de wèsterse werreld gebrach. Allewiel guuef 't groeate tieëplantages in gans Azië. In Ingelandj wuuertj, anges es inne res van Europa, mieë tieë es kóffie gedrónken en haet d'n daag zelfs e speciaal tieëmoment.

Traditioneel wuuertj tieë gemaak door water te kaoken en dao e zekske mit tieëblaedjes (ouch verhak) in te hange. d'n Tieësmaak trèk den door 't water en 't water kan me den drinke. Es me de tieë neet zeut zat vindj, kan me dao nag nao eige smaak sókker (of anger zeutstoffe) en milk bie doon.

't Klaormake kan me mit versjillige apparate doon, mer 't tieë zètten is nag ummer aafhenkelik van kaokendj water en tieëblaedjes. Ouch is oplostieë, 'ne poejer van gemaole tieëblaedjes dae oplos in 't water.

Tieë haet 'ne bitterzeute smaak. Daoróm wuuertj ouch dök sókker d'rbie gedaon. Ouch guuef 't huuj gekrujetieë en vröchtetieë. Aan 't tieëzekske is den, naeve de gewuuen tieëblaedjes, ouch nag vröchten of gekruje biegeveug. Hiedoor krieg de tieë 'nen extra smaak. Veurbiljer zeen roeajbós, kees en mango.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Tieë&oldid=357586"