Thulium

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Thulium.

Thulium is e sjemisch element mit es symboeal Tm en 't atoeamnómmer 69. 't Is e zilverwit lanthanied.

Van al lanthanide kump thulium 't minste veur oppe aerd. 't Is e buugzaam en helder-glanzendj metaal det redelik corrosiebestenjig is taenge de lóch.

In hieël lieëg kóncentraasjes (óngevieër 0,007%) wuuertj thulium aangetróffe in minerale worin ouch väöl anger lanthanide veurkómme, wie monaziet. Behölpes ionwusseleers kan thulium hie-oet waere geïsoleerdj. 'n Anger methood is door reduksje mit calcium.

Toepassinge[bewirk | brón bewèrke]

Thulium kan waere gebroek veur lasers te make, meh dore hoeag köste van dit metaal zeen de toepassingsmeugelikheje gering. Inkel anger zeldjzaam toepassinge zeen:

  • Nao e bombardement mit neutrone kan thulium waere gebroek es brón van röntgenstraoling;
  • 't Guuef aanwiezinge det thulium kan waere gebroek in magnetische keramische matterjale.

't Instabiel 171Tm kan inne toekóms meugelik es bepirk-inzatbaar innerzjiebrón waere gebroek.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Thulium&oldid=388531"