Thibald va Voere

Van Wikipedia
Naar navigatie springen Jump to search

Dit artikel is begós in 't Norbiks. Laes hie wie v'r mit de versjillende saorte Limburgs ómgaon.


Irmgardis gèft de örm te aeëte

Thibald va Voere of Thibaut de Fouron waor hieër va Voere, voogd van de proosdie va Maeërsje en bies hoeëgoet 1106, dör de ègendómme va Guda, zieng vrów, ooch hieër va Valkeberg. Roond 1080 erfde Guda o.m. Valkeberg van Irmgardis[1] die 't good in 1041 kreeg van häöre noonk d'r Duutsje keizer, Hendrik III. Dis sjenking lieëvert ooch de aodste vermelding va Valkeberg oeëvan 't centrum in dae tied Oud-Valkeberg en m.n. Genhoes waor. Thibald wónde vanaaf 1080 in Genhoes.[2] E boewde ca. 1101 óp de plaatsj oeë noe de ruïen van 't Kesjtieël va Valkeberg sjtèèt 'ne zjoeëre, veerkentige donjon[3]. [4] [5] Wienieë Thibald gesjtórve is, is neet zjuus gewete. Waal is e vör 1106 keenderloos gesjtórve. Doe waoërt d'r hoofdzaeëtel va Voere dör zieng ópvólgers verplaatsjd nao Dalhem en Guda waoërt de örsjte vrów va Valkeberg. In 1118 vermakde ze Valkeberg an Oda van Waldek, die vermoedelek häör zöster waor. Oda waor getrówd mèt Gozewijn I va Heinsberg, dae zich vanaaf da hieër va Valkeberg neumt. D'r mergelsberg oeë noe de ruien van 't later geboewd kesjtieël óp liekt heesjt noe nog d'r Heunsberg en is nao dit gesjlach geneumd. In 1125 sterft Guda en ze waoërt begrave in de Jacobuskèrk va Luuk.

Referentie[bewirk | brón bewèrke]

  1. Irmgardis, mäögelek de Hèllige Irmgard sjtóf óp 4 september in 1080 of 1084/85 en waoërt begrave in Rees
  2. Kijk op Valkenburg, Notten en Habets ISBN 90-10-05124-2
  3. Nijhoffs Geschiedenis-lexicon Nederland-België, pag. 586, 1981, ISBN 90 24790786
  4. PublicationsSHAL 120 (1984):167-8 Referentie in Historische Verkenning van Mheer, 1995, blz 15, Joep Leerssen,
  5. De kunst van het Maasland II, J.J.M. Timmers, 1980, blz 118 Timmers besjrieft d'r donjon mae neumt i.t.t. de ander referenties ömsjtreeks 1115 es boewtied.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Thibald_va_Voere&oldid=349825"