The Rikky Rokker Experience
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
The Rikky Rokker Experience is 'n achköppige rockformatie oet Zuud-Limburg. De band bringk loeter eige werk in e saort rockmusical. De teks en meziek vertèllen 't laevesverhaol van de fictieve rockster Rikky Rokker. De leedjes gaon euver zie gelök en taengeslaeg in zien carrière en leefdeslaeve.
Stiel[bewirk | brón bewèrke]
De stiel bepirk zich neet toet ei bepaoldj saort rock, meh rock in de breidste zin van 't waord. Dit ómvatj hardrock, ballads, country- en pop rock, geïnspireerdj dore late jaore sevetig en jaore tachetig.
Zank[bewirk | brón bewèrke]
De zank wuuert vertolk door veer leje vanne band. De rol van Rikky Rokker wuuert vertaengewäördig door Raymond Reinaerts. Ouch d'n angere zenger en zengeresse traeje oppe veurgróndj. Veur de gitariste göltj det ze beurtelings de solo- en ritmesectie veur häör raekening numme.
Biografie[bewirk | brón bewèrke]
2009 - begin 2015[bewirk | brón bewèrke]
TRRE is óntstange naodet de Nederlandjse hardrockband AVALON in 2009 officieel opheel te bestaon. Nao 't aafsjiedskónzaer in De Boerderie in Gelaen beslaot Jax Kraal get te gaon doon waat d'r al lang wól doon, 't sjrieve van 'ne rockmusical. Naodet ei paar nómmere klaor wore waas 't tied óm 'ne bend bie-ein te zeuke.
Jan van Dinteren en Jax hawwen al e lang muzikaal verli-jje mitein. Zie begóste samen in Avalon mer höbben ouch in de rockcoverband Big Trouble gespeeldj. Dao zóng Anita Aalders ouch in, vandao det zie ouch ein logische keus leek.
Raymond en Jax höbbe zès jaor same in de thrashmetalband Angels Decay gespeeldj. Raymond waas d'n insigste persoean wovan Jax wis det d'r de rol van Rikky Rokker euvertugendj kós neerzètte.
Anita en Daniel Roumen zeen collega’s vanein. Baovedeen speeldje Daniel in de rockcoverband Burning Flame wo d'r de leadzank en 't gitarewerk veur zien raekening noom.
Naodet bassiste Jasmijn Keulers de bend haw verlaote woort Math Wolters gevraog óm de vacante positie in te völle. Ouch hae speeldje veurhaer by Burning Flame.
Kelly Kraal, ein jóng zengeres, waas vanaaf 't begin bie de bend es achtergróndjzengeres. Nao 'n lang zeuktoch nao 'ne toetsenis/pianis woort Ed Zeelen oeteindelik gevraog naodet zienen aje band HEARD waas gestop.
Saer 't begin van 2013 haet ènne nuje bassis zich bie de bend geveug, Hen Litjens. Hae speeldje ieëre mit Daniel in Rectifire.
Medio 2015[bewirk | brón bewèrke]
In 2015 goof 't meh leefs 3 wèsselinge van bendleje. In 't vreugjaor höbbe achtereivolges Kelly, Jan en Ed de band verlaote. Medio 2015 zeen alle drie de bendleje vervange. Suzanne Pluymakers is de nuuj zengeres, Manuel Reul is de nuje toetsenis, en Oscar van Amerongen is de nuje gitaris.
Situatie 2018[bewirk | brón bewèrke]
Oscar van Amerongen is opgevolg door Michel Drenth. Manuel Reul mót door ómstendighede de band verlaote, wo-op Jax kóntak opnump mit Ed óm zien aaj rol van toetsenis obbernuuts te vervölle. Vanaaf februari nump Ed de toetsepertieje weer euver van Manuel.
Hujige samestèlling[bewirk | brón bewèrke]
- Raymond Reinaerts, leadzenger
- Anita Aalders, lead- en achtergróndjzengeres
- Suzanne Pluymakers, lead- en achtergróndjzengeres (vanaaf 2015)
- Daniël Roumen, solo- en slaaggitaris, solo- en achtergróndjzenger
- Michel Drenth, gitaris
- Hen Litjens, basgitaris (vanaaf 2013)
- Ed Zeelen, toetsenis (2010-2015, 2018)
- Jax Kraal, drummer
- Brian Corcoran, tekssjriever