Ternejje

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Remigiuskèrk in Ternejje

Ternejje (Frans Lanaye, Nederlands Ternaaien, Waols Li Nåye) is e dörpke in de provincie Luik, en een deilgemeinte vaan de gemeinte Wezet/Visé. Ternejje ligk aon de weskant vaan de Maos, e paar kilometer stroumopwaarts vaanoet Mestreech en rech tegeneuver Eisde. Aon de aander kant vaan 't dörp löp 't Albertkenaal. Get mie nao 't zuie ligk Lies (Lixhe, Lieze). Bij de deilgemeinte Ternejje huurt ouch 't gehuch Klein-Ternejje, wat direk aon de Nederlandse grens ligk en vaanajds 'Nederlandstaoleg' is. De veurmaolege gemeinte heet 'n oppervlak vaan 4,60 km² en had bij de opheffing oongeveer 900 inwoeners.

Bezeensweerdeghede in Ternejje zien de Sint-Remigiuskèrk (foto) en de Maria-Magdalenakepel, die deils achtienden-iews, deils neoromaans is.

Ternejje hoort tot 1963 bij Belsj Limbörg, meh woort in dat jaor nao Luik euvergebrach, umtot de inwoeners 'Franstaoleg' (Waols) zien. Me heet toen nog Klein-Ternejje, boe de inwoeners (vaanajds) Limbörgs spreke, nao Kan wèlle euverbringe; dit woort evels neet gedoon. In 1977 woort de gemeinte Ternejje opgeheve en bij Wezet geveug.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ternejje&oldid=343398"