Klein-Ternejje

Van Wikipedia
Naar navigatie springen Naar zoeken springen
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Klein-Ternejs, es te dit dialek sjpriks.

Sluize (stop) tösse Maos en Albertkenaal, zuielek vaan Klein-Ternejje
Rewieneuzen Hoof Caestert, op de plaots vaan 't aajd kestiel

Klein-Ternejje is e gehuch in de Wezeter deilgemeinte Ternejje, noordelek vaan 't centrum (dörp), kort oonder de Nederlandse grens. 't Is de noordelekste plaots vaan 't Waols gewes. 't Pläötske ligk aon de Maos en is vaanoet Mestreech laanks de ENCI-kojl te bereike. Zuielek vaan 't gehuch ligk de Stop vaan Ternejje (foto). Hei kinne sjeper oet 't Albertkenaal nao de Maos, boebij ze e huugdeversjèl vaan zoe'n 15 meter mote euverkoume. Bij Klein-Ternejje ligk ouch 't Plateau vaan Castaert, boe-op vreuger e kestiel stoont. Noe vint me dao nog 'ne boerenhoof. Klein-Ternejje ligk ouch hiemelsbreid kortbij Kan, meh umtot 't plateau detösse ligk, en dao-euver geine goje weeg löp, kin me vaan hei-oet neet gaw in Kan koume.

Oondaanks tot Klein-Ternejje sinds 1963 in Wallonië ligk, weurt hei, aanders es in Ternejje zelf, vaanajds Limbörgs gesproke.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Klein-Ternejje&oldid=343400"