Tantalum

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Tantalum.

Tantalum, tantalium of tantaal is e sjemisch element mit es symboeal Ta en 't atoeamnómmer 73. 't Is e griesblaw euvergangsmetaal.

Toepassinge[bewirk | brón bewèrke]

In poejervorm wuuertj tantalum väöl gebroek bieje perduksje van lektronische componente, veur condensatore. Anger toepassinge van tantalum zeen:

  • In legeringe woveur 'n hoeag smultjpuntj wichtig is;
  • Es gróndjstof bieje perduksje van hoeagwaerdige gereidsjappe, vleegtuugmotore, kernreactore en rakètóngerdeiler;
  • De gooj buugzaamheid maak tantalum gesjik veur 't trèkke van dräöj, wo anger metale, wie alleminium, opgedamp kónne waere;
  • Tantaaloxied wuuertj vanwaenge de hoeag braekingsindex gebroek veur lenze;
  • Veur condensatore mit 'n hoeag capaciteit bie gering gewich, wie in mobiel tillefoeans;
  • Inne sjemische industrie wie verwermingskaese en thermokoppelbesjermbuze. 't Wuuertj veural toegepas bieje aanwezigheid van chloriedione bie hoger temperature.

Ómdet zuver tantalum neet reageertj mit liefvleujstoffe wuuertj 't sómtieds gebroek veur implantate.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Tantalum&oldid=374416"