Taipei

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Keek op Taipei.

Taipei (spraek oet: Tajpeej; Sjinees: 臺北市) is de houfstad enne op ein nao grótste stad van Taiwan. In mieërt 2009 haw de stad zón 2,6 miljoen inwoonders. De stad ligk op 't eilandj Formosa ane Danshuei-reveer en vörmp 't economisch en kultureel hert van 't landj. De wichtigste nieverheje zeen lektronica, tèkstiel, metaal, sjeepsboew en moeaterfietsje, mer allewiel is de economie veural gegrundj op hanjel en deenste.

Gesjiechte[bewirk | brón bewèrke]

't Gebied van Taipei woort oearsprunkelik bewóndj dore Ketagalan. Mitten aanvank vanne Ming-dynastie (1368-1644) kome väöl Han-Sjineze nao 't eilandj veur zich dao te vestige. Inne zeuventieëndjen ieëf kwaam 't gebied ónger Spaans en daorop Nederlandjs bewindj, toetdet de Sjinese vereuverieër Koxinga die verdreef. 't Gebied rónjelóm Taipei bleef in 't begin vanne Sjinese kolonisatie veural wildj gebied, went de meiste migrante vestigdje zich inne stad Tainan.

Wie de regering van 't Rippebliek Sjina de zitting in 1949 versjuufdje nao Taiwan waas Taipei nag 'n ónwichtige, klein stad. Vanaaf de jaore sèstig woort die aevel eine vanne wichtigste metropole van Azië. Tróds d'n economische gruj bleef 't Sjinees karakter vanne stad bewaardj, waat daoveur zörg det Taipei op vandaag toeristen oet Hongkong en Singapore aantrèk, went in die stej is 't Sjinees stadscentrum gooddeils verzwónje.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Taipei&oldid=444451"