TV Limburg (Nederland)
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
TV Limburg (TVL) waor 'ne Nederlandse zösterzender van de Belsje televisiezender TV Limburg (Belsj). Hae waor actief in Nederlands Limburg van 2004 bies 2016[1] en waor de ièrsjte televisiezender dae veur allebei de Limburge gemeind waor. De zender waor op 1 januari 2004 óntsjtange door 'n fusie van RTN en TV Totaal. Hae waor te óntvange in de ganse Nederlandse provincie en haw ach edities veur versjillende regio's in die provincie. De zösterzender in Belsj Limburg zond veur e groat gedeilte dezelfde programma's oet, mèt innege regionale versjille.
Saer juni 2008 waor 51% van de aandele in heng van 't Belsj Limburgse Concentra.
In 2016 woort de sjtekker oet de zender getrokke door Concentra veur de Nederlandse variant.[2] Limburgse media vong 't opmerkelik dat de zender neet rendabel waor, umdat de Belzje zösterzender waal succesvol bleef en huuj (anno 2021) nog ummer op televisie en internèt te zeen ies. Ein factor zaw de concurrentie zin gewaes mèt L1, 'n anger Nederlands Limburgs kanaal wat traditioneel 't televisielandsjap van de pervincie ies. Zoa'n concurrent guuf 't neet in Belsj Limburg.