Suzuka (manga)

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Kirchröadsj. Laes hie wie v'r mit de versjillende saorte Limburgs ómgaon.


Suzuka
涼風
GenreDrama, Romantiek, Sjport, Comedie
Manga
SjrieverKōji Seo
OesjeëverKodansha
TsiedsjriftWeekly Shōnen Magazine
Datum oesgave6 Joeli 2005 – 28 Detsember 2005
Bucher18
Video
TypeTelevisie serie
RegisseurHiroshi Fukutomi
StudioStudio Comet
ZenderTV Tokyo, Bandai Channel
Datum oeszending6 Joeli 2005 – 28 Detsember 2005
Afleveringe26
Light novel
SjrieverAyuna Fujisaki
TsechenaarKōji Seo
OesjeëverKodansha
Datum oesgave6 Mai 2007
Sjabloon:Tnavbar

Suzuka (Japans: 涼風) is inne Japanese manga jesjreëve en jetseegend durch d'r Kouji Seo. De serie is e romantisj verhaal mit as hoofdthema de athletiek. De jesjiechte jeet uvver d'r tiener Yamato Akitsuki deë noa Tokyo is verhoesd um ziechzelver tse endere en doa e nui leëve op tse bouwe. Op zieng nui sjoeël lieërt e 't Suzuka Asahina kenne, wat zier jetalenteerd is in 't hoeëgsjpringe en al durch scouts ontdekt is. 't Suzuka woeënt in 't zelfde jebouw wie d'r Yamato, wat durch de tant van d’r Yamato bedreëve weëd.

Suzuka is in 't Weekly Shōnen Magazine as serie versjieëne en is oesjejoave durch Kodansha. Doabij is och in zesentswansigdelieje animeserie jemaad en is op TV Tokyo oesjezonde in Japan. Nevver Suzuka zunt och nog tswai jerelateerde series, Kimi no Iru Machi (Ing sjtad woa dats doe woeëns) en e vervolg, Fuuka, jesjreëve.


Plot[bewirk | brón bewèrke]

Suzuka is inne romantisje komedie wat het sjtreve noa liebe en atheltiek combineert. De jesjiechte drieënt rónks d'r Yamatto Akitsuki, inne jonge maan vanoes 't platteland van Hiroshima deë noa de jroeëse sjtad Tokyo is verhoesd en uvver 't Suzuka Asahina, ziene nuie noaber en ing jetaltenteerde hoeëgsjpringster oes Yokohama. D'r Yamato kriet jeveulens vuur 't Suzuka en kunt zoemit in aanraking mit de baanathletiek. Heë ontdekt dat e 't potentiaal hat um inne top honget-metersjprinter tse weëde.

Jedurende de jesjiechte weëd duudlieg dat d'r Yamato totaal jee idee hat wie vrouwlü dinken en dunt. Zicher mit 't Suzuka, wat zieng jeveulens mieë vuur ziechzelver hilt, lieëvert dit vöal probleme op.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Suzuka_(manga)&oldid=364095"