Suceava (stad)

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De middelieëwse Sint-Demetriuskèrk.

Suceava is 'n stad in 't noeardjoeaste van Roemenië. 't Is de höidstad van 't glieknamig distrik en de veurnaamste stad van 't Roemeens gedeildje van de Boekovina. De stad tèltj 105.865 inwoeaners (2002). Suceava lègk ane reveer de Suceava, 'ne ziereveer van de Siret. Suceava is sins 1990 'n universiteitsstad. 't is 't oetgankspöntj veur bezeuker van de beroemdje besjilderdje Moldavische kloeasters, die zich wèstelik van de stad bevinje.

Gesjiedenis[bewirk | brón bewèrke]

Suceava waerdje in 1359 de ieëste höidstad van 't vórstedom Moldavië. 't Waas denouch de residentie van 'ne bekèndje woiwode wie Stefan de Groeate (Ştefan cel Mare, de universiteit is achter dem vernömp). In 1565 verplaatsdje de Moldavische woiwode häör zetel nao Iaşi, det sinsdeen de veurnaamste stad van Moldavië is. In 1775 koom Suceava in Oeasteriekse henj: toet 1919 (Verdraag van St.Germain) bleef de stad toet Oeasteriek behuuere. Sins den is de stad Roemeens.

Commons
Commons
In de categorie Suceava van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Suceava_(stad)&oldid=348134"