Stertbein
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
1=hèlgebein, 2=dermbein, 3=zitbein, 4=sjaambein (4a=corpus, 4b=ramus superior (richting kop), 4c=ramus inferior (aan sterkantj), 4d=tuberculum pubicum), 5=symfyse (sjaambeinsvoog), 6=häöpkómp, 7=foramen obturatum, 8=stertbein, roeaj strepelien= linea terminalis
't Stertbein, zwansbein of 't stuutje (Letien: os coccygis of coccyx) is 't ungelstedeil vanne miensjelike rögkegraot. 't Stertbein besteit meis oet veer samegegreudje wirvele (de stertwirvele), mer 't kónnen 's ouch drie of vief zeen. Dees wirvele zeen mit e gewerf verbónje aan 't hèlgebein. Dit gewerf besteit veur 't euverdeil oet knórch en kan meh bepirk waere verwaeg. d'n Óngerkantj van 't stertbein is mekkelik te veule, juus baove de vottereet.
De veurnaamste fónksje van 't stertbein is 't óngerstiepe vanne stert, mer aangezeen luuj gènne stert mieër höbben is dees fónksje verlaore. Allewiel deentj 't denouch meis es binjpuntj veure gerieëpsspieren en onnag es 'ne sjókdemper veur wen me zich zitj.