Steenbeke
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
.svg)
_%C3%A9glise_01.JPG)
Steenbeke (Frans: Steenbecque) is e dörp en 'n gemeinte in 't Frans Noorderdepartemint, in Frans-Vlaondere, arrondissemint Duinkerke, kanton Hazebroek-Zuid, op zès kilometer vaan 't stedsje Hazebroek. De gemeinte tèlt good 1700 inwoeners.
Steenbeke weurt oonder mie aongedoon door d'n departemintaole weeg D55. Kort boete 't dörp laog tot veur kort de statie Steenbeke (ind 2011 touwgedoon). In 't ooste vaan 't dörp vint me get industrie.
Historie
[bewirk | brón bewèrke]Steenbeke weurt in 1184 veur 't iers geneump, es Steinbeke, welke naom ziech sumpel-eweg liet verklaore wie beek mèt stein. In 1236 vinde v'r de geromaniseerde vörm Estainbeche.[1] In d'n èlfden iew is Steenbeke mèt Blaringem, Ebblingem, Pradeels en Tienen oonder einen hier vereineg. 't Geslach Vaan Steenbeke bleef bestoon tot 1582, wie de dame vaan Steenbeke trojde mèt d'n hier vaan Mailly-Mametz.
In 2008 kaom 't dörp eve landelek in 't nuits wie 'ne vreugeren amteneer de börgemeister in zie raodhoes gijzelde, en de GIGN mós ingriepe.[2]
Historische inwoenertalle
[bewirk | brón bewèrke]| jaor | aontal | jaor | aontal | jaor | aontal | jaor | aontal | jaor | aontal | ||||
|---|---|---|---|---|---|---|---|---|---|---|---|---|---|
| 1793 | 2.204 | 1851 | 1.941 | 1891 | 1.868 | 1936 | 1.519 | 1999 | 1.610 | ||||
| 1800 | 2.260 | 1856 | 1.856 | 1896 | 1.830 | 1946 | 1.465 | 2006 | 1.692 | ||||
| 1806 | 2.306 | 1861 | 1.894 | 1901 | 1.816 | 1954 | 1.455 | 2009 | 1.735 | ||||
| 1821 | 2.058 | 1866 | 1.896 | 1906 | 1.747 | 1962 | 1.447 | ||||||
| 1831 | 2.144 | 1872 | 1.971 | 1911 | 1.764 | 1968 | 1.497 | ||||||
| 1836 | 2.090 | 1876 | 1.967 | 1921 | 1.633 | 1975 | 1.469 | ||||||
| 1841 | 2.039 | 1881 | 1.944 | 1926 | 1.600 | 1982 | 1.485 | ||||||
| 1846 | 1.961 | 1886 | 1.902 | 1931 | 1.588 | 1990 | 1.553 |
Cultuur
[bewirk | brón bewèrke]Beziensweerdeghede
[bewirk | brón bewèrke]'t Belaankriekste monumint in de stad is de laatgotische Pieterskèrk oet de zèstienden iew, mèt calvarie (zuug de foto) en oorlogsmonumint.[3] Ouch vint me hei nog e beziensweerdeg gashoes.
Taol
[bewirk | brón bewèrke]In Steenbeke weurt vaanajds Vlaoms gesproke, meh umtot dit dörp in d'n hook vaan 't taolgebeed ligk - mèt zoewel westelek es zuielek Franstaolege naobers - leef hei 't dialek nog minder es in aander dörper.[4] Typerend veur dit dörp is de oetspraok vaan de <aa> es ae veur neet-dentaol klaanke (wie in Moerbeke) en vaan de korte <a> es e (wie ouch in Linde).[5]
Waope
[bewirk | brón bewèrke]'t Waope vaan Steenbeke liet ziech zoe umsjrieve:
- Vaan lazuur (blauw) mèt drei sjölpe vaan zèlver (wit), gezat 2-1.
Bronne
[bewirk | brón bewèrke]Veur dit artikel is gebruuk gemaak vaan de corresponderende Nederlandstaolege en Franstaolege artikele.
Rifferenties
[bewirk | brón bewèrke]- ↑ Jean-Marie Cassagne, Mariola Korsak, Origine des noms de villes et villages Nord, Editions Bordessoules. Geciteerd op fr.wikipedia.org.
- ↑ Le Figaro - Steenbecque : fin de la prise d'otage
- ↑ Église de Steenbecque
- ↑ Ryckeboer (2005): p. 5
- ↑ Ryckeboer (2005): pp. 46-8
