Stadspark (Mestreech)

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.



Stadspark mèt op d'n achtergrond de stadsmoer.

't Stadspark is 't ajdste park vaan Mestreech (allewel de Vriethof langen tied ouch e park en wandelgebeed waor). 't Ligk zjus boete de stadsmör in 't zuie vaan de stad. Veur de 19en iew stoont 't park bekind es "de Buimpkes"; wie dao 'nen Ingelse hoof woort aongelag, veranderde de naom in d'n Ingelsen Hoof. In vol glorie zouw 't park neet lang bestoon. Iers woort 't kenaal Luuk-Mestreech aongelag wat later vervaange woort door de weeg vaan de Maosboulevard. Ouch de ringbaon en de John F. Kennedybrögk taste 't aongeziech vaan 't park aon. Wijer is e deil vaan de stadmoer te zeen, de aw Berekojl (boe vreuger bere woorte gehouwe), Poort Waerachtig en e hertekamp.