Berekojl
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Berekojl woort in het begin vaan de jaore twinteg vaan de veurige iew door 't gemeintebestuur vaan Mestreech in 't Aldenhofpark aongelag. Veur 1350 euro waor 'n koppel bere gekoch vaan 'ne circusdirecteur. Bij aonkoms evels bleke 't twie mennekes te zien. Ze woorte Max en Pol geneump.
Naotot Max en Pol gestorve waore kaome in 1953 twie nui bere. Dees kier waor 't wel 'n menneke en e vruiwke. D'r kaome daan ouch naokoumelinge. Eine daovaan, beer Jo, kós in 1993, nao 25 ellendege jaore vaan zienen awwen daag goon genete in 't Berenbos in Rhenen. In 1997 is heer dao gestorve.
In 1993 woort de Berekojl geslote, nao jaore vaan discussie. De hoesvesting vaan de bere waor wied vaan ideaal te numme. De kojl heet daonao 'n aontal jaore leeggelege, umtot me 't neet ins kós weure euver 'n nui bestumming. In 2001 is 'n kunswerk vaan Michiel Huisman geplaots. Dit kunswerk, de "Halfautomatische troostmachine" genump, is 'n hommaasj aon oetgestorve bieste.
Trivia
[bewirk | brón bewèrke]Väöl awwer Mestreechtenere höbbe dierbare herinneringe aon de wekelekse bezeukskes aon de Berekojl, of de ierste punekes die ze zich doa gaove. In de beginjaore woorte de benkskes bij de Berekojl 's winters weggehaold, zoetot ze "gedurende dien tijd geen aanleiding geven tot onzedelijkheid", aldus de Börgemeister en Wèthawwers in 1920.