Spoonsechtege

Van Wikipedia
Naar navigatie springen Jump to search

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Aplysina archeri, 'n spoons.

De Spoonsechtege of Weefselloeze (wetensjappeliek Latien Parazoa (Grant en Todd 1838)) zien 'n oonderriek vaan de bieste. 't Zien de mins oontwikkelde bieste die 't gief, die in tegestèlling tot de Eumetazoa, 't aander levend bieste-oonderriek, gein dudeleke weefsele höbbe. Allewijl weure spoonsechtege geach geine gemeine veurawwer te deile die de Eumetazoa neet höbbe; ze zien dus parafyletisch.

De naom Parazoa beteikent lètterlek 'bij-bieste', bedoeld in tegestèlling tot de eigeleke bieste (Eumetazoa). De aofsplieting vaan de Eumetazoa moot zoe'n 940 mieljoen jaor geleie höbbe plaotsgevoonte, aon 't begin vaan 't Neoproterozoïcum. Fossiele goon evels laank zoe wied neet trök.

De Spoonsechtege weure verdeild in twie stamme: de Spoonze (Porifera) en de Plakbieskes (Placozoa). De spoonze zien 'n oetgebreid (en zelf ouch weer parafyletisch) taxon vaan dèks middelgroete ziebieste, de Plakbieskes evels bestoon mer oet ein soort, d'n Trichoplax adhaerens, e väöl kleinder (1 mm of minder) en volstrek vörmloes bies. Oonder biologe besteit 'n discussie welke vaan de twie stamme awwer is: sommege meine tot de spoonze de ajdste zien de tot de plakbieskes korter bij de hoeger bieste stoon; aandere goon devaan oet tot de plakbieskes al väöl ieder bestoonte.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Spoonsechtege&oldid=356749"