AWACS

AWACS is ein aafkorting veur Airborne Warning And Control System, dao zeen ein heel reeks vleegtuuge oetgerös mit dit systeem, onger angere de Boeing E-3, Boeing B767-200, Saab 340B, Embraer ERJ145, en ouch nog get Russische vleegtuuge wiej de Tupolev Tu-126, Ilyushin Il-76 en de Beriev A-50.

Techniek

't Systeem is ontworpe en waerdje geboewdj door Boeing (Defense & Space Group). 't maaktj gebroek van Westinghouse (nu Northrop Grumman) radars, gemonteerdj in 't E-3 Sentry vleegtuug (eine gemodificeerde Boeing 707).

De Boeing E-3

Waat hiej in Limburg versjtange weurdj onger eine AWACS is de in Geilenkirchen gelegerde Boeing E-3. De E-3 is eine militaire Boeing B707 mit ein radarsjottel oppe rugk. Dees sjottel weurdj gebroektj om 't lochruim af te sjpeure nao (vijandelikke) vleegtuuge en sjteuntj ouch de jachvleegtuuge wanneer zie dit doel oet motte sjakele (Airborn Warn and Control System, ouch waal afgekortj toet AWACS). De sjottel is gesjik om doele op te kinne sjpaore die bienao 400 km. verder vleege.

Gesjiedenis Boeing E-3

In juli 1970 waerdje d'r ein euvereinkoms geteikendj mit Boeing veur de boew van twee prototypes (dees waerdje geboewdj onger de naam EC-137). Op 5 februari 1972 koos ze veur 't eerste 't lochruum en in meert 1977 waerdje de eerste E-3 Sentry aafgeleverdj aan'ne Amerikaanse Lochmach.

Technische gegaeves Boeing E-3

Lengte: 46,61 m.

Breidte: 44,42 m.

Heugte: 12,73 m.

Kruutssjnelheid: 855 km/u

Vleegbereik: 8100 km.