AWACS

Van Wikipedia

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.


E-3 Sentry of AWACS

AWACS is ein aafkorting veur Airborne Warning And Control System en dao zeen ein heel reeks vleegtuuge oetgerös mit dit systeem, onger angere de Boeing E-3, Boeing B767-200, Saab 340B, Embraer ERJ145, en ouch nog get Russische vleegtuuge wiej de Tupolev Tu-126, Ilyushin Il-76 en de Beriev A-50.

Techniek[bewirk | brón bewèrke]

't Systeem is ontworpe en waerdje geboewdj door Boeing, m.p. de Defense & Space Group. 't Maaktj gebroek van Westinghouse, nu Northrop Grumman radars, gemonteerdj in 't E-3 Sentry vleegtuug, dat eine gemodificeerde Boeing B707 is.

De Boeing E-3[bewirk | brón bewèrke]

Waat hiej in Limburg versjtange weurdj onger eine AWACS is de in Geilenkirchen gelegerde Boeing E-3. De E-3 is eine militaire Boeing B707 mit ein radarsjottel oppe rugk. Dees sjottel weurdj gebroektj om 't lochruim af te sjpeure nao (vijandelikke) vleegtuuge en sjteuntj ouch de jachvleegtuuge wanneer zie dit doel oet motte sjakele (Airborn Warn and Control System, ouch waal afgekortj toet AWACS). De sjottel is gesjik om doele op te kinne sjpaore die bienao 400 km. verder vleege.

Gesjiedenis Boeing E-3[bewirk | brón bewèrke]

In juli 1970 waerdje d'r ein euvereinkoms geteikendj mit Boeing veur de boew van twee prototypes (dees waerdje geboewdj onger de naam EC-137). Op 5 februari 1972 koos ze veur 't eerste 't lochruum en in meert 1977 waerdje de eerste E-3 Sentry aafgeleverdj aan'ne Amerikaanse Lochmach.

Technische gegaeves Boeing E-3[bewirk | brón bewèrke]

Lengte: 46,61 m.
Breidte: 44,42 m.
Heugte: 12,73 m.
Kruutssjnelheid: 855 km/u
Vleegbereik: 8100 km.


Beriev / Ilyushin A-50 Mainstay[bewirk | brón bewèrke]

Om ein vergeliek te kriege volgtj hiej ouch nog ein Russische AWACS vleegtuug: De NAVO codenaam veur dit toesjtel waas Mainstay. Naodet de Il-76 Candid zich veur väöl maatsjappieje haaj beweze, waerdje d'r ein militair versie ontwikkeldj die 't Russisch lochruim in de gate kos haaje. Ouch kreeg dit toesjtel de meugelikheid om anger vleegtuuge in de loch biej te kinne tanke. De A-50 waerdje op inkele puntje verbaeterdj. Zo kreeg 't toesjtel ein langer naas en ein grote radarsjottel op'pe rugk. Dees toesjtelle waerdje geboewdj om, Westerse rakette op te sjpaore. Omdet d'r ouch ein controlecentrum aan baord van eeder vleegtuug waas, koste de Russe direk jagers de loch in sjtuure om dees rakette te vernietige.

Technische gegaeves Il A-50 Mainstay[bewirk | brón bewèrke]

Lengte: 46,59 m.
Breidte: 50,50 m.
Heugte: 14,76 m.
Kruutssjnelheid: 850 km/u
Vleegbereik: 7300 km.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=AWACS&oldid=340766"