Slavonië

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

---

Ligging van Slavonië in Kroatië

Slavonië (Kroatisch: Slavonija, Latien: Slavonia, Hongaars: Szlavónia) is 'n regio in 't naordoeëste van Kroatië. 't Gebeed behuurt tot Centraal- of Oeës-Europa en grens aan Servië (Vojvodina), Bosnië en Herzegovina, de res van 't land en Hongarieje. Grofeweg geit 't um 't gebeed tösse de revere de Drava in 't naorde en de Sava in 't zude. In 't oeëste leet de Donau. De regio is rilletief vlaak en steit bekind es de graanschuur van Kroatië. De Papuk is 'n 950 maeter hoeëge bergrök.

De regio haet 'n oppervlakde van 26.000 km² en haet óngevier 800.000 inwoeëners. In Slavonië woeëne veural Kroate. De Serve vörme 'n minderheid. 't Guuef ouk 'n kleine Prusische en Hongaarse minderheid. De groeëtste stad en wiechtig cultureel centrum is Osijek mit óngevier 110.000 inwoeëners. 'n Andere wiechtige stad is Vukovar.