Sjroap

Van Wikipedia

Dit artikel is gesjreve (of begós) in 't Sjènnes. Laes hie wie v'r mit de versjillende saorte Limburgs ómgaon.


Sjroap, of sjroeëp (Heële), sjroep (Mestreech), zeem (Gulpe), ziepnaat (Póstert) of Krûdje (Naord-Limburgs, mae och Ripuarisch in Kelmis en Eupe) wurt gemak van eppel, paere en soekerkraote. De eppel of paere en de kraote waere gekaok en gepaesj wonao 't saap door 't aafkeule ingediek wörd. Hiedoor onsjteit ein zeute lekkerniej veur op 't broad of es ingrediënt veur 't kaoke. Allewiel lègke in Limburg nog mèh twae sjroapfabrieke. Die van Canisius in Sjènne en in Beesel de sjroapfabriek van de Frumarco. Dit zeen auch meteen de enigste twae echte sjroapfabrieke die eppel en paere gebroeke, die nog in Nederland aktief zeen. Angere sjroapfabrieke make sjroap van reetsoeker. Meurens va Aubel is uvvergesjakeld op industrieel vervaardige van sjroap en is weltwied bekaand. Nyssen is 'ne ambachteleke sjraop- en appelsapmaker in Aubel. Veur eine kilo sjroap is ruum zeve kilo grondjstjoffe nuädig, wie soekerkraote, eppel en paere. Noe is t'r 'n ganse wiek geboewd op 't terrein van de sjroap. Dees wiek hit ouch De Sjroap.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjroap&oldid=343900"