Sjoeanigheid

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Sjoeanigheid is 'n idee of geveul van aangenaam uterlik of innerlik, oetstraoling van 'ne persoean, e deer, e (kóns)veurwirp of e landjsjap en ouch e geluid, in 't biezunjer meziek.

Sjoeanigheid is ein vanne wichtigste thieëma's inne esthetica, 'n óngerdeil vanne filosofie det de kènnis van waat det es sjoean of lieëlik wuuertj ervare duitj óngerzeuke.

Inne modern wèsterse samelaeving wuuertj sjoeanigheid veural betrach es 'n fysieke aantrèkkelikheid. Bieje ieëste óntmoting wuuertj 'ne miens meistes aangespraoken op zien fysieke versjiening. Binne de ieëste twintjig sekónd is 'n aantrèkkingskrach of 'nen aafkieër, det vervolges kan waere gecompenseerdj door talenten en intellectueel of innerlike vermeuges.

De fysieke aantrèkkelikheid is 't zichbaarste en toegenkelikste kènmirk van 'ne persoean en haet 'n wichtige informatieve waerd. Fysiek aantrèkkelike persoeane zeen populairder, minder 't óngerwirp van pesten en prestere baeter. Ouch inne hölpverlieëning speeltj fysieke aantrèkkelikheid 'n groeate rol.

'n Saort taengereactie vörme de maotsjappelike struimingen en groepe die fysieke ónaantrèkkelikheid in bild bringe.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjoeanigheid&oldid=365822"