Sjnièklökske

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Sjnièklökskes in 't wild in de Savelsbösj

't Sjnièklökske (Nederlands:Sneeuwklokje, Weitesjappelik: Galanthus nivalis) ies 'n plentsje oet de Narcissefamilie. 't Bleumke kump veur in Miedde- en Wes-Europa en weurt väöl gekweek. Dèks kump 't verwilderd veur. 't Ies 'n bolgewas. De plentsjes blieve jaorelank op dezelfde plaats sjtoon, woa ze ziech oetbreie. Ze sjtoon meistal in gruupkes bie-ein. De bölkes zint vergieftig. 't Hangend bleumke (eint per sjtengel) besjteit oet drie wiette blaedsjes mèt dao-onder nog 'n kleiner klökske mèt 'n greun vlek. Huègde 10-20 cm. De blaar zint glad en sjpiets. De bleuj vèlt in februari-april.

Ein ander soort oet 't zelfde gesjlach, Galanthus elwesii, oet de Balkan en Turkije liekent väöl op diet bleumke, meh haet breier blaar en groater blome mèt twiè greun vlekke.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjnièklökske&oldid=339133"