Sjloekdermkop

Van Wikipedia
Gank nao: navigatie, zeuke

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


De sjloekdermkop of de farynx is 't bäöveste deil van 't aomhaolings- en sjpiesvertaeringssjtèlsel van väöl gewervelde en volg drek nao de naas en de móndj, kórt veur de sjloekderm. Bie zougdere is dit de plaats wo 't sjpiesvertaerings- en 't aomhaolingsstèlsel einanger kruutse.

De sjloekdermkop weyrt wiejer óngerverdeild in drie deiler. 't Hoogste deil, det zich drek achter de naas bevindj, weurt de nasofarynx geneump. 't Get leger, drek achter de móndj gelaenge, deil hèt de orofarynx. Nag get leger bevindj zich de hypofarynx of laryngofarynx, dae löp tót aan de larynx.

De term "farynx" weurt ouch waal gebroek es e synoniem veur de kael, allewel dit neet gans juus is. 't Bäöveste deil van de farynx, de nasofarynx, weurt nag neet tót de kael geraekend. De kael herberg wiejer, behalve 't grótste deil van de farynx, ouch nag de larynx, de sjträötkop.

'n Óntstaeking van 't sjliemvlees van de farynx, in de vouksmóndj bekèndj es kaelóntsjtaeking, hèt in medische terme faryngitis.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjloekdermkop&oldid=382267"