Sjliepsjtèè
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
'ne Sjliepsjtèè haat me nuëdèg öm e mets, 'n sjieër of ander gereedsjap 'ns richtig te sjliepe. 't Normaal oonderhaod waoërt mèt 'ne wetsjtèè gedoeë. D'r sjliepsjtèè waoërt da roondgedriejd. Oonderaan hong d'r sjtèè in 'ne zeenke bak mèt water, oeëdör e nat waoërt. Dizze sjliepsjtèè how 'n gael kleur, sjtong in 'ne hote sjraag en how 'ne däörsjnit va ongeveer 'ne haove bies 'ne gaanse meter. D'r sjtèè koes in bewaeging gezat waeëre es wie op de aafbeelding te zieë is. De mètste sjliepsjtèng howwe alling 'ne zjwöngel an d'r ziejkaant. Ene persoeën heel da 't mets mèt de sjerpe ziej taege d'r sjtèè en 'ne andere driejde an d'r zjwöngel.