Sjappeleer

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Sjappeleer van 'ne monnik

Sjappeleer, van 't Latiense scapulier, ies 'n sjouwerkleid, gedrage door bepaalde ordes. Lede van sómmige christelike ordes houwe de geweunte um 'n sjouwerkleid op boorsj en rök en euver 't habiet te drage. Later woort dit in kleiner vörm door leke-lede van de orde ónder de kleier gedrage. Die kleiner vörm besjtóng oet twiè veerkentige lepkes, die mèt sjouwerlinte, in de kleur van de betreffende orde, vasgemaak waore. Sóms verseerd mèt 'n geborduurd kruus.

Paus Pius X (hae waor paus van 1903-1914) haet op 'n gegeve moment toesjtumming gegeve um in plaats van de sjtoffe lepkes 'n sjappeleermedalje te drage. Op dit medalje sjteit aan de ein zie 't heilig Hart van Jezus en aan de andere kant Maria, dèks mèt 't sjtoffe sjappeleer in de heng. Ouch sjtoon waal de attribute van de orde d'r op aafgebeeld.

Sjappeleermedalje van de driede orde

Zuuch ouch[bewirk | brón bewèrke]

Wiktionair
Wiktionair
Zeuk de definitie, vertalinge, oetsjpraok en dialekvariante van sjebleer op in de Wiktionair.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjappeleer&oldid=443452"