Sjaagbaek

Van Wikipedia
Naar navigatie springen Naar zoeken springen
Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Effelder, as te dit dialek sjpriks.

De Sjaagbaek inne busj bie Willeraod.

De Sjaagbaek (Duutsj: Schaagbach) is e rech naevewater ane Roer inne gemèndje Wasseberg. De munjing vanne baek ligk inne buurt van Vloearep. Veur e deil völg de Sjaagbaek de grens tösse Duutsjlandj en Nederlandj, mer oetènjelik stèk ze toch de grens euver óm vervölges in Nederlandj oet te kómmen inne Roer.

De baek óntspringk 86 maeter baove zieëniveau inne busj tösse Birgele en Willeraod. Daonao vörmp ze zien eige daal en struimp dore plaetskes Schaufenberg en Rosenthal; dit deil vanne baek löp nao neet gans rech, meh maak nag krómminge. Van 'n echte meandering kan me aevel neet spraeke.

Juus veur Effeld struimp de Birgelerbaek inne Sjaagbaek, daonao is de baek wiejer rechgetróch en löp ze door Effeld haer inne richting vanne munjing, die op 32 maeter baove zieëniveau ligk.

De Sjaagbaek haet 'n lingdje van 10,7 kilomaeter.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjaagbaek&oldid=387176"