Sino-Tibetaanse spraoke

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


De verspreijing vanne Sino-Tibetaanse spraoke in Azië.

De Sino-Tibetaanse spraoke zeen 'n femielje mit mieër es 400 spraoke die gekaldj waeren in Oeas-Azië, Zuudoeas-Azië en deiler van Zuud-Azië. De spraokfemielje is de op ein nao grótste femielje qua aantaal spraekers (nao 't Indogermaans). De Sino-Tibetaanse spraoke mitte meiste moderspraokspraekers zeen de Sjinese spraoke (1,2 miljard spraekers), 't Birmees (33 miljoen) en 't Tibetaans (8 miljoen). Väöl Sino-Tibetaanse spraoke waere gekaldj door klein gemeinsjappen in aafgelaenge berggebieden en zeen slech gedocumenteerdj.

Väöl subgroepen op 't lieëger niveau zeen good vasgestèldj, mer op e hoeager niveau is nag väöl óndudelik. Tródsdet de femielje döks wuuertj geprizzenteerdj ofwen die verdeildj is in Sinitisch (Sjinees) en Tibeto-Birmees, is 't nag neet euvertugendj vasgestèldj det de neet-Sjinese spraok daadwirkelik 'n eige monofyletische groep vörme. 'n Minderheid vanne óngerzeukers kalle de ganse Sino-Tibetaanse femielje Tibeto-Birmees, en ouch de naam Trans-Himalayaans is veurgestèldj gewaore.

Indeiling[bewirk | brón bewèrke]

Hie-ónger volg 'n lies mitte veurnaamste subgroepe van 't Sino-Tibetaans[1]. Spraoke die 'n apaarte pagina op dees Wikipedia höbbe staon achtere subgroep vermeldj:

  • Sino-Tibetaans
    • Sjinees (Sinitisch: Kantonees/Yue-Chinees)
    • Tibeto-Birmees
      • Centraal-Tibeto-Birmees
      • Karenisch
      • Ngwi-Birmees
      • Naordoeastelik Tibeto-Birmees
      • Sal
        • Bodo-Garo-Naordelik Naga
        • Dhimalisch
        • Jingpho-Luïsch
        • Kuki-Chin-Naga
      • Wèstelik Tibeto-Birmees
      • Neet geclassificeerdj

Brónvermeljing[bewirk | brón bewèrke]

  1. Ethnologue
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sino-Tibetaanse_spraoke&oldid=356011"