Sezoen

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


De standj vanne aerd ane begin vanne astronomische sezoene.

E sezoen of 'ne jaortied is 'n jäörliks trögkkómmendje periood van drie maondj. 't Jaor vanne aerd (de periood worin de planeet eine kieër rónjelómme zon drejtj) is ingedeildj gewaoren in veer sezoene worin 't in e bestump gebied kajer of wermer is es in 'n anger periood.

De aerd van e sezoen wuuertj door 'n aantaal aan zake bepaoldj, worónger (veurnamelik) d'n hellingshook vanne aerdas t'n opzich vanne as van zien baan rónjelómme zon, 't inne buurt zeen van oceane en 't corioliseffek.

Óngersjied wuuertj gemaak tösse veer sezoene: veurjaor (lente), zomer, herfs en wintjer. Dees sezoene vallen aevel veural inne gemaotigdje toet hoger brèdje same mit dudelik te óngersjeie klimatologische periode. In troeapische gebiede kèntj me namelik twieë waerssezoene: d'n druuegen enne nate moesson.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sezoen&oldid=414757"