Sergei Eisenstein

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Sergei Eisenstein

Sergei Mikhailovich Eisenstein (Riga, 22 jannewarie 1898 - Moskou, 11 fibberwarie, 1948) waor 'ne bekinde Russische regisseur. Veural zien stom films zien erg bekind gewore. Zien bekinste films zien Pantserkruiser Potjomkin, en Alexander Nevski. Heer is veural zoe bekind gewore door zien vreem montaasj.

Genre[bewirk | brón bewèrke]

Zien films kinne weure umsjreve es historische films, mer dat is neet gaans riechteg. Ze zien wel gebasseerd op historie, evels is alles erg euverdreve. 't Is Eisenstein's bedoeling gewees um bij de films altied te laote zien tot d'r mer eine goje kant is. In zie geval waor dat altied de Sovjet-Unie. Hei door kreeg me in Rusland (de films waore naomelek hiel populair) dèks e verkierd beeld vaan de Sovjet-Unie, get wat de Sovjet-Unie neet allein deech bij films. Dit weurt ouch wel propaganda geneump.

Filmografie[bewirk | brón bewèrke]

Väöl vaan Eisenstein's films zien verlore gegaange, of neet voltoeid. De films die wel voltoeid zien zien:

  • Statsjka (1925)
  • Pantserkruiser Potjomkin (1925)
  • Oktjabr (1927)
  • Staroje i novoje (1929)
  • La Destrucción de Oaxaca (1931)
  • Alexander Nevski (1938)
  • Ivan Groznyy I (1945)
  • Ivan Grozjny II: Bojarski zagovor (1958)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sergei_Eisenstein&oldid=433969"