Semènt

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


'ne Miens dae mit semènt ane geng is.

Semènt (van 't Letien caementum, "breukstein" of "boewstein") is e snel-helwaerendj binjmiddel det wuuertj gebroek veur geboewe. Semènt, det veurnamelik oet calciumwaterstofsilicaat besteitj, is e fiengemaole matterjaal det nao verminging mit water 'n plastische massa vörmp, die zowaal ónger water es inne boetelóch hel wuuertj. Mit semènt kónne daoveur gesjikdje matterjale waeren aaneingekitj toet ein, ouch in water, stabiel massa. Semènt wuuertj veurnamelik gebroek es gróndjstof veur betón en metselspecie.

Semènt is meistes e gries poejer veurdet 't wuuertj vermingk mit anger matterjale en water. Semèntpoejer kan allergische reacties veroearzake wen 't in aanraking kump mitte hoed en irriteertj de hoed, ouge en lónge. Daoveur mótte luuj die mit semènt wirken e móndjkepke, 'ne veiligheidsbril en besjurmendje wirkhase drage.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Semènt&oldid=370728"