Schoonhoven
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
| Schoonhoven Gewaeze gemeinte in Nederlandj | |||||
| |||||
| Gevörmp | 1280 | ||||
| Opgehaeve | 2015 | ||||
| Opgegange in | Krimpenerwaard | ||||
| Provincie | Zuid-Holland | ||||
| Hoofplaats | Schoonhoven | ||||
| Opperflaakde (bie opluffing) | 6,92 km² | ||||
| – daovan water: | 0,65 km² | ||||
| Inwoeners (kort veur opluffing) | 11.900 (1-5-2014) | ||||
| – deechde: | 1898/km² | ||||
| Lies van börgemeisters | |||||
.svg)
Schoonhoven is 'n klein stad in de Nederlandse provincie Zuid-Holland, aon de reveer de Lek. Mèt zoe'n twelfdoezend inwoeners (Willige Langerak mètgerekend) is 't de groetste plaots (meh neet de hoofplaots) vaan de gemeinte Krimpenerwaard. Neve 't stedsje Schoonhoven weure ouch e deil vaan 't dörp Willige Langerak (allein d'n dörpskern; de lintbebouwing ligk in de gemeinte Lopik) en deile vaan de naobersjappe Zevender (westelek deil; res bij Lopik) en Bovenberg (oostelek deil; res bij Bergambacht) tot de kern gerekend.
Stadsfuncties en -geziech
[bewirk | brón bewèrke]Schoonhoven hoesves 'n vaksjaol veur edelsmei en zjuwelere. Veural de zèlverbewèrking is hei vaan groete historische beteikenis. De aw stad is umgeve door zeventienden-iewse walmör, allewijl es beplante prommenaad ingeriech, mèt de bezeensweerdege Veerpoort oet 1601. 't Laat-gotisch raodhoes, boe-aon woort begós in 1452, oetgebouwd in 1776 en gerestaureerd tösse 1927 en 1929, heet e groet oetgebreid kerriljong. De hervörmde kèrk heet e koer oet 1375 en 'nen torie oet de vieftienden iew. In dees kèrk ligk oonder mie 't graaf vaan ziemaan Olivier van Noort.
Historie
[bewirk | brón bewèrke]Schoonhoven waor sinds ind daartienden iew 'n hierlekheid die achterein door versjèllende geslachte bestuurd woort. Stadsrechte kraog de plaots in deile, zoetot me neet perceis kin zègke wienie Schoonhoven 'n stad woort. 1280, 1320 en 1322 weure geneump. Later in de veertienden iew kaom de hierlekheid aon de graove vaan Holland. Tijens de Hoekse en Kabeljouwse twiste woort 't e bolwerk vaan de Hoeke. Nao in 1572 door de Watergeuze vereuverd te zien kaom de stad in 1575 weer in han vaan de Spanjole, tot de Pacificatie vaan Gent dao in 1577 'n ind aon maakde. Later in de Tachtegjaoregen Oorlog, tijdens 't Twelfjaoreg Bestand, waor in Schoonhoven 't remonstrantisme good vertegewoordeg.
In 1970 kaom d'n awwen dörpskern vaan Willige Langerak aon Schoonhoven; wijer bleef de gemeinte ummer boete herindeilinge. Dit woort aanders in 2015, wie de gemeinte ziech aonsloot bij de groete fusiegemeinte Krimpenerwaard.
Schoonhoven waor de lèste jaore vaan zie bestoon nao oppervlak de kleinste gemeinte vaan Nederland.
Gebore in Schoonhoven
[bewirk | brón bewèrke]- Chantal de Bruijn, hockeyster
- Reinier de Graaf, dokter en anatoom
- Jamai Loman, popzenger