Schintaler

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

Schintaler is 'ne Limburgse band. Schintaler, ieësj opgerich as Orginale Schintaler, hat zingen oersjprung i de vreuge jöare nuëgetig. D'r band woeëd gevörmt vanoet fanfare St. Cecilia Schinnen en d'r band zóng mitnaam traditioneel Oeësterieëks en Limburgs volksmezeek. De gróp besjtóng oet zengesj va versjillige Zuud-Limburgse dörper: Martin Diederen, John Diederen, Willy Brouns (Sjömmert), Eric Heijnen (Hulsberg), Roger Diederen, Patrick Zelissen (Puth) en Guido Frissen. I de midde en ind nuëgetiger jöare beleëfde zie dön groeëtste succes. In 1995 kam de hit Mien Limburgs Landj oet en in 1996 vólgde 't succes Golvend Heuvelland. De anger wichtige cd, mit d'r naam Sjpringlaevend, kam in 1999 oet. Inne va de wichtigste muzikante, Leon van Wijk, vertrók toen u.a. noa André Rieu, oeë noa d'r band minder actief woeëd. In 2004 kam 't succes Welkom in Limburg oet en i de jöare doanoa vólgde nag get leder, meh in 2010 woeëd d'r band opgeluf. In 2013 makde Schintaler 'ne richtige comeback mit Ich wil 'ne polka huère. Anger hits in d'r top 10 va L1 woare 'ne Limburgse jong, Druimdanser en Blief neet langer druime. I d'r L1mbo Top 100 sjtónge anger leedsjes wie Limburgse Meid, Greumelevla, De Waeg door 't hart en Mergraote hoeëg i de lieës.

De hütse bezetting besjteet oet de mieëtste oersjprunkelige bandleje (Martin en Roger Diederen, Patrick Zellisen, Leon van Wijk en Guido Frissen), meh aagevuld mit Charles Coppens en Peter Johansen.

Albums

Golvend Heuvelland (1996)
De Waeg Door ’t Hart (1997)
Sjtilte Veur De Stórm (1998)
Sjpringlaevend!!! (1999)
Vriegevochte (2000)
Druimdanser In Utopia (2001)
Los! (2002)
Welkom In Limburg (2003)
De Sjoanste Van De Schintaler (2004)
Nummer Neuge (2007)

Weblinks